பலா

என்னை பலா-ன்னு சொல்லுவாங்க. நான் இந்தியால தான் பொறந்தேன். இங்கிலீஷில் Jack என்று என்ன கூப்பிடுவாங்க. இந்த பேரு என்னோட மலையாளப் பேரான 'சக்க'-ல இருந்து காப்பி அடிச்சது தான்.

நான் மல்பெரி குடும்பத்தைச் சார்ந்தவன். கறிச்சக்க(Bread fruit), அத்தி எல்லாம் என்னோட சொந்தக்காரங்க தான். அறிவியல் பூர்வமா என்னை Artocarpus Heterophyllius Lam என்று தான் கூப்பிடணும்.

பங்களாதேஷ், இந்தோனேஷியாவில நான் தான் தேசியப் பழம்.

மரங்களில் காய்க்கக் கூடிய பழங்களில் நான் தான் உலகத்துலே ரொம்ப பெருசு.
முக்கனிகளில் நானும் ஒண்ணுங்கிறதுல எனக்கு ரொம்ப சந்தோஷம்.

அந்த காலத்துல தென்னிந்தியாவில, நான் நிறைய காய்ச்சியிருந்தேன்னா, அத வச்சே, அந்த ஊரு ரொம்ப செழிப்பா இருக்குன்னு சொல்வாங்களாம்.

எங்கிட்ட நிறைய பொட்டாசியமும் விட்டமின்-ஏ யும் இருக்கு. என்னோட விதைகளையும் நீங்க சாப்பிடலாம். அதுல கார்போஹைட்ரேடு இருக்கு.

என்னை மட்டும் தனியா சாப்பிட்டீங்கன்னா செரிக்க ரொம்ப டைம் ஆகும். அதனால கொஞ்சம் வெல்லம் அல்லது தேன் சேர்த்து சாப்பிடணும்.

சர்க்கரை வியாதிக்காரங்க என்ன தயவுசெஞ்சு தொடாதீங்க.

திராட்சை

என்னோட பேரு திராட்சைங்க. நான் Vitaceae குடும்பத்த சார்ந்தவன். Vitis Vinifera-இது தான் என்னோட அறிவியல் பேரு.

என்ன 6000 வருஷத்துக்கு முன்னாடி ஐரோப்பால விவசாயம் பண்ண ஆரம்பிசாங்க. ஒலகத்துல விவசாயம் பண்ற பயிர்களிலேயே நான் தான் டாப்புல இருக்கேன் தெரியுமா?

ரோம நாட்டுல என்னையும் தானியங்களையும் தான் செழிப்பின் அடையாளமா கருதுனாங்க.
அங்க விவசாயிகள் வெயிலில் வேல செய்யும் போது சூட்டைத் தவிர்க்க என்னோட இலைய அவங்கத் தொப்பியில சொருகி வச்சுப்பாங்க.

கிமு 2440-ல எகிப்திய கல்லறைகளோட மேல் சுவர்கள்ல என்னோட படத்த வரைஞ்சு வச்சிருக்காங்க.
பைபிள் படிச்சீங்கன்னா என்ன நோவா காலத்துலே விவசாயம் பண்ணியிருக்காங்கன்னு உங்களுக்கு தெரிய வரும்.

பொதுவா பிரெஞ்சு மக்கள் அவங்க உணவுல அதிகமா பட்டர் சேர்த்துப்பாங்க. அதிகமா புகை பிடிக்கிற பழக்கமும் அவங்களுக்கு உண்டு. இருந்தாலும் அவங்களுக்கு ஹார்ட் அட்டாக் வரக்கூடிய வாய்ப்பு ரொம்ப குறைவு, ஏன் தெரியுமா? என்னோட பழங்களையும் ஒயினயும் அவங்க உணவில அதிகம் சேர்த்துக்கிறதால தான்.

என்ன உலர் திராட்சையாவும் ஒயினாவும் பதப்படுத்தி வைக்கலாம்.

எங்கிட்ட அதிகமா மாங்கனீசு, பொட்டாசியம், விட்டமின் பி6, சி இருக்கு.

என்ன அடிக்கடி சாப்பிட்டீங்கன்னா உங்கள ஹார்ட் அட்டாக் மற்றும் ரத்த அழுத்தத்தில் இருந்து நான் காப்பாத்துறேன்.